نداء خاص الى طلاب التوجيهي... الإمتحانات عالبواب و الشبابيك .. وانتو عارفين انو التوجيهي عنا اهم من البترول ، اهم من ذهب عجلون ،، اهم من الأكل والشرب ،، حتى يمكن أهم مني !! اتركو كل اشي بإيديكو عالسريع ،، و ادرسو لأنو ما حدا رح ينفعكو ،، لا بلاي ستيشن ولا صحاب ولا مباريات ولا بنات ولا طلعات ولا نزلات !! التوجيهي صعب للي ما بدرس ،، و سهل للي بدرس و منتبه ،، الحياه غداره ،، والوضع بخزي ،، و اذا ما معك توجيهي انتا عالفاضي ،، بالأيام هاي انتا ولا اشي بدون توجيهي ،، و الوزارة بتتفنن بالأسئله ،، جاكر الوزارة و انجح ،، اخزق عنيهم و انجح ،، ما تخلي ولا سؤال يعتب عليك ،، ولا مركز ولا استاذ ،، حتى لو اكتشفت انو الحيط فيها معلومه احكي مع الحيط ،، مشان ما تندم لقدام ،، ولكو فشوولنا غُلنا بالوزير والوزاره ،، و خلو نسبة النجاح مرتفعه ،، دمروهم ،، اعجقوهم ،، فاجئوهم ،، دكوو احصنتهم ،، عندك هواية الصيد؟! بس تنجح صيد مين مبدك!! عندك هواية كش الحمام؟! بس تنجح كش كل طيور العالم !! بتحب تلعب بلاي ستيشن؟! بس تنجح العب بلاي ستيشن بالحاره !! بدك تطش مع صحابك ؟! اجلها بعد الامتحانات و اطلع معهم عالمريخ !! متدايق من امك و اهلك لأنهم ضاغطينك ؟! بس تنجح زعلهم ،، خليهم يوقفو عالحيط و يرفعو ايديهم !! امك بدها مصلحتك ،، امك نجحت زماان بتربايتك ،، و بدها مستقبلك ،، و ما في مستقبل بدون توجيهي ،، فش اشي بدون توجيهي !! بعدين ولكو اللي برسب بدو يدفع مصاري مشان يعيد !! ولكو هو احنا معنا مصاري؟! ويلنا مصروف ولا ويلنا اجارات و فواتير ،، يستر على عرضكو انجحوو ،، دخيل عليكو تنجحو ردو عليي و ما عليكو ،، و كل واحد عندي توجيهي بس ينجح بدي اجيبلو بلون من الحجم الكبير ،، هديه مني انا شخصيًا ،، وانزل كل اسماء الناجحين ،، ونعملهم ( بارطي ) عالسطح عنا !! يتخلل الحفل توزيع كنافة اصابع وفقرة الساحر و فقرة العاب الخفه و أعلى معدل رح اقعدو عالتنكات ع كرسي بلاستيك يلا ديرو بالكو !! ____________________ من كتابات عمر زوربا.. والله رفعتلي معنوياتي الله يوفقك ياا رب